#6 Isyu sa Edukasyon ng Pilipinas
Danah Dela Cruz
Kakulangan sa edukasyon ang isa sa mga isyung
panlipunan na hanggang ngayon ay kinakaharap parin ng Pilipinas.Ayon sa isang
pagsusuri isa sa walong Pilipino o sa 6.24 milyong pamilya ang hindi nakakapag
aral.Edukasyon ang isa sa mga mahahalagang aspeto sa buhay ng tao.Kung saan
dito tayo kumukuha ng bagong kaalaman at mabuting asal na dadalhin natin pang
habang-buhay.
Ang edukasyon sa may pinakamataas na budget sa
ating gobyerno, ngunit bakit marami pa rin kulang kulang ang
upuan,libro,imprastraktura,pasilidad pati na rin sa sahod sa mga guro.Kahit pa
masasabing maunlad ang Pilipinas, may mga lugar parin napag iwanan, pagdating
sa edukasyon.
Isa sa mga aspeto na nakakaapekto sa
kakulangan ng edukasyon ay kakulangan din sa guro. Bawat mag-aaral ay nangangailangan
ng guro.Mahalaga ang presensya ng guro para maging epektibo ang anumang
edukasyon na tinatanggap ng isang estudyante.Sa kasalukuyang panahon,dumadami
ang bilang ng mga mag-aaral, kung kaya’t maraming guro din ang
kinakailangan.Nangailangan ng 33,000 bagong guro ang Department
of Education (DepEd) noong School Year 2019-2020.Pero dahil sa mababang
pasahod ng gobyerno sa mga guro sa pampublikong paaralan,patuloy na nababawasan
ang bilang ng mga ito.May mga taong pinipili na lang magtrabaho sa ibang bansa,
dulot din pangangailangan ng pamilya. Maaaring solusyunan ang isyu sa
kakulangan ng guro, kung binigyan pansin ang guro at sa sahod.Dahil mahalaga
ang mag invest sa mga guro para sa kapakanan ng estudyante pati narin ng bansa.
Ang edukasyon din ay isang puhunan ng bawat
mamamayan upang maging produktibo.Higit sa lahat susi rin ito sa pagpapataas ng
ekonomiya ng isang bansa.Kung mababa ang kalidad ng turo sa mga pampublikong
paaralan nakakaapekto ito sa bawat estudyante.Bukod sa kakapusan sa guro problema
rin ang kakulangan sa pasilidad.Malaking aspeto ang classrooms sa pagkatuto ng
isang bata.Mahalaga na mabigyan ng maayos na pasilidad ang lahat ng lugar sa
Pilipinas lalo ng sa mga malalayong lugar.Mapapanood natin sa mga dokumentaryo
kung gaanong hirap ang nararanasan ng mga estudyante at guro upang makapunta sa
kanilang mga paaralan.Ang iba ay tumatawid ng ilog,bundok,o naglalakad ng
maraming oras.Ang gobyerno naman ay kabilaan ang proyekto sa pag tayo ng mga
bagong pasilidad sa buong bansa.Kung kaya’t dapat din matulungan ang mga lugar
kung saan mababa ang kalidad ng edukasyon.
Isa sa maaaring ugat sa isyu sa edukasyon ay
korupsiyon at kakulangang pansin. Dahil sa hindi malinis na pamamalakad ng mga
politiko naapektuhan ang kalidad ng edukasyon sa bansa.Kung kaya’t nagresulta
sa mababang kalidad ng edukasyon.Mahalaga na saan mang parte ng Pilipinas ay
maaring kumuha ng edukasyon, dahil ito rin ang isang susi sa tagumpay ng isang
tao.Dapat itong pagtuunan pa lalo at bigyan ng pansin upang mabago ang sistema
ng edukasyon sa bansa.Dapat itong umunlad hindi bumaba pa.
References:
https://prezi.com/wiiwhwfubs3e/mga-suliranin-sa-ating-lipunan/
https://www.philstar.com/pilipino-star-ngayon/bansa/2019/05/28/1921451/33000-bagong-guro-kailangan
Comments
Post a Comment